Нолаи шабњангом

                                КУЉОСТ НАНГУ ОРУ НОМУСИ МИЛЛЇ!

Фасли пойиз дар расида, ки хазон рез оѓоз гардид? Аљабо дар ин фарораси пойиз чаро ин гуна зардогинї? Чаро он баргаконе,ки як замон дар шохањо љойи худро доштанду болонишин буданд, кунун зери по фитодаву беќадру ќиматанд? Мисли он хазонрезии фарзандони тољик. Худоё охир ин чи гуна хазон резест, ки танњо ба љисму љони тољик дар меафтад?  Хонаи тољикро мотамсаро мегардонад? Модари тољикро љигарпораву ќалбпурхун мегардонад? Зани тољикро бева мегардонаду тифли ўро ятим? Худоё шафќат намо! Ин чи гуна боз як санљишест ба ќисмати љавонмардони тољик? Ин бора чи балое болои ин миллат панља андохта?

Хабари суќути чархбол ва фавти 28 фарзанди тољик ќалбњоро пурхун намуд. Охир боз садои нолаи модари тољик  ба арш дака зад. Ин бор њам њукумати кишвар ин сањнаи фољиаборро нодида гирифт. Намедонам, аз чист, ки дар кишвари худ тољик бачунин як њамдардие, ба рўзи мотам ќадр надорад?!  Фољиаи Кўлоб њанўз паси сар нашуда, марги 25 афсари Вазорати дифоъ, 5 тан кормандони Вазорати корњои дохила ва боз 28 нафари дигар магар њамаи ин њамон хазонрезии пойиз нест? Дар хазонрезии пойизи табиат мотам мегирад, авзояш дигаргун мегардад. Аммо мо чї, гуё дарк намекунем, ки ин ќадар љонњоро аз даст додаем! Зеро дар расонањои электронии мо раќсу бозї лањзае хомўшї надорад. Чаро барои як тан ќурбонї  кишварњои бонангу ор дар кишварашон рўзи мотам эълон медоранду мо мурдањоямонро ќадр карда наметавонем? Ин чиро нишон медињад? Беќадру ќимат буданро? Њайсият надоштанро?

 Намедонам?! Охир њамаљо љор мезанему суханони нест андар љањонро аз њафт ќабати замину осмон ёфта бо њазорон лофу газофи дигар онњоро обут об дода пешкаши мардум мегардонем, ки мо миллати ориёием! Мо фулонему мо бењмадонем! Аммо дар асл њељ касем! На миллатем ва на нишоте аз ориён дорем. Он њама сафсата њасту барои таскини дил.

Инро њанўз замоне, дарк карда будам, ки устоди шањир Лоиќи Шералиро ба манзили охират мегуселонидем. Охир он нафаре, ки мардумро ба хештаншиносї даъват карду як умр миллат гуфт. Оне ки бо тамоми маънияш дар хештан дарду доѓи миллатро гуронидаву бо каломи дилнишину дилосояш дарси инсон буданро дар мо талќин намуда буд, онеро ки бо тамоми њастї дар бораи ќисмати миллат љор зада моро њушдор дода буд, ки аз мањфшудан хешро нигоњ доред, њељ ќадраш накардем. Гумони аксари мардуми рўшанзамир он буд, ки дар ин рўз Њукуматдорони кишвар, барои исботи маънавияту дарки болои миллат буданашон бар маги ин Шариф мард парчами кишварро ба рамзи мотам пойин мекунанду мегўянд ин мотами миллист. Вале дареѓу дард ки чунин нашуд. Манќуртизим боло гирифт. Оњи синањои дардошнову љигарњои сўхтаву лабони париснбаста ба гўшањои яъсу ноумедї рафт. Ва оддитарин нафар дарк кард, ки мо чигуна миллатем?! Миллати дуруѓин! Миллати воњима! Миллати як лањзаина!

 Шояд дар андешаи он бошем, ки бигзор баъди њазору сад сол дигарон ба ќадри ин абармардон расанду водареѓашон гўянд. Пас аз њазор соли беному нишонї. Боз сар болокунаду бо аламу дард гўянд, ки афсўс он замон ба ќадри эшон нарасиданд?!

Чаро мо њамин замон хешро намешиносем?! Аз ормонњоямон пуштибон нестем? Ба ќадри зиндаву мурдаамон намерасем?

Магар њамин нодидан гирифтанњо нест, ки тољик њамаљо бе ќадру ќимат аст?! Бубинед дањњо фарзандони ин миллат дар ѓурбат бо њазорон шиканљаи нољавонмардонаи скинхеди миллатгарову милисаи «хуношом»и он кишварњо љони худро аз даст медињанду мо лаб фурў мебандему бо њасрат мегўем «Ин кори Худост! Ќисмат њамин будааст! Аз ќисмат љойи гурез нест!» Ва бо ин њама хешро тасалло медињем. Лек надидаам, ки боре гуфта бошем, ки чаро чунин шуд? Ба ин њама кї гунањкор? Чи фарзандони моро водор сохт, ки хонаву дарашро тарк карда ѓурбатро ихтиёр кунад? Магар дар хонаи худ рўзгори хуш медошт он фарзанд хонаашро тарк мегуфт?! Асло не!

Магар ин мо нестием, ки аз нотавонї, аз худбинї, аз бепарвої, аз кисапуркунї фарзандони ин сарзаминро рондаем ба берун. Аз бекорї, аз бахилї, аз бо зўри кашида гирифтани молу мулки дигаре, аз тангназарї аз ноумеди тарк кардан ин дару буми барояшон азизро.

20 сол боз тољик дида бар он медўзаду умед бар он мебандад, ки як рўз не як рўз Тољикистони азизаш обод мегардаду ў ба Ватан бар мегардад, то осудаву ором хонаву дарашро посбонї кунад. Вале, ин њама хобесту хаёлест! Умеди охирин дар дилњо мемирад. Орзуњо барњам мехўранд. Яъсу ноумедї меафзояд. Ба оянда дилгармї намемонад! Рўзи бењро касе дида намтавонад. Фављ фављ мардум мераванд. Ин раванд касеро ба ташвиш намеоварад. Намепурсанд, ки «њой мардум , ба куљо равонед?»

Синањо моломоли дард, чашмњо ашкбор, лабон пуроњу шеван, ќалбњо пурдард. Ай Эзиди пок бо ин њама чї бояд кард? Даст ба домони кї бояд зад?! Аз кї бояд имдоде љўст?!

Охир чашми замона кўр, гўшаш кар, лабонаш баста. На моро мешунавад, на мебинад ва на чизе мегўяд!

Бо чашми пур аз ашку синаи садчок ба ёди он 28 тани ѓарќидахун ин њамаро аз пеши назар мегузаронаму бо тамоми овоз фарёд мезанам, «куљост он оромиву осудагї, куљост он сулњу суббот, куљост он сарвари дилсўз, куљост оне ки моро ба њам орад!».

Ин шаби тираи ман бо ашки чашму оњи дил сањар шуд. Кош сапедадаме моро аз њамаи ин балоњо ворањонад! Худоё пас дасти Ману домони Туст!

Бо илтиљову дуо Мухтори Сайидбурњон